親切猶如返屋企吔飯

影視紅人周潤發、譚詠麟、曾志偉、任達華、詹瑞文、湯唯等，都是這小菜館的常客，甚至連世界羽毛球冠軍林丹都是。這間座落鵝頸橋街市後小巷寶靈頓道、大眾化食肆祥正海鮮飯店，開業至今38年，食客和伙計都已是感情不變的朋友，老闆娘娟姐笑稱：「過嚟食飯咪當返屋企囉！」又的確，兩個大舖位坐無虛設，老闆娘與不少食客都是相識多年、有傾有講，倍感親切。

「我哋啲伙計由開張做到而家，有個仲娶埋我屋企個菲傭，舖頭真係一家人咁；好多食客都食咗十幾廿年，移咗民返香港都實要嚟食飯，超級丹（林丹）嚟香港打波，都一試愛上，嚟親香港都過嚟，仲叫我去北京開分店！」

「這條小巷不算大街，但勝在近街市，買嘢方便；而且灣仔區，始終交通方便，人流多，是聚腳的好地點。做食肆最重要就是這兩點，當然菜式要做得好，食物要新鮮！」這裡的蒜蓉蒸或油爆海鮮，有廣東菜最厲害的鑊氣，惹味非常，加上新鮮海鮮的鮮甜，叫人一試難忘，無怪乎牽動食客的心。